جیزہ کے قلعے کی تعمیر

ابن عبد الحکم ابن لہیعہ سے، وہ یزید بن ابی حبیب اور ابن ہبیرہ سے روایت کرتے ہیں کہ ہمدان اور ان کے حلیفوں نے جیزہ میں بسنا پسند کیا۔ عمر نے عمرو کو لکھا: تم نے کیسے گوارا کیا کہ تمہارے ساتھی تم سے جدا ہوں اور تمہارے اور ان کے درمیان دریا ہو کہ تمہیں پتا نہ چلے ان پر کیا آ پڑے؟ اور حکم دیا کہ انہیں اپنے پاس جمع کریں، اور اگر انکار کریں تو مسلمانوں کے فے سے ان کے لیے قلعہ بنا دیں۔ ¹

عمرو نے ان کے سامنے یہ بات رکھی تو انہوں نے انکار کیا، کیونکہ جیزہ کی جگہ انہیں پسند تھی؛ چنانچہ عمرو نے سنہ 21 میں جیزہ کا قلعہ بنانا شروع کیا اور سنہ 22 میں مکمل کیا۔ ² مصر کے دوسرے بزرگ روایت کرتے ہیں کہ انہوں نے عمرو سے کہا: یہ ایک اگلا مورچہ ہے جو ہم نے اللہ کی راہ میں آگے رکھا ہے، ہم اسے چھوڑ کر کہیں نہیں جائیں گے۔ ²

جیزہ میں یافع بسے، جن میں مبرح بن شہاب تھے، اور ہمدان، اور ذو اصبح جن میں ابو شمر بن ابرہہ تھے، اور حجر کی ایک جماعت جن میں علقمہ بن جنادہ تھے۔ ²