الخليل بن أحمد الفراهيدي

ابو عبدالرحمن الخلیل بن احمد بن عمر بن تمیم الفراہیدی عربی زبان کے بڑے علما میں سے تھے۔ وہ عمان کے ازد قبیلے سے تھے اور بصرہ میں پرورش پائی۔ «موسوعۃ اعلام العلماء والادباء» کے مطابق ان کی ولادت تقریباً سنہ 100ھ (718ء) میں اور وفات سنہ 175ھ (791ء) میں ہوئی۔ ¹

غالب گمان ہے کہ نحو اور لسانی تجزیے کے بہت سے علمی تصورات انھی کی ایجاد ہیں۔ مسعودی جاحظ کے «رسالۂ ہاشمیہ» سے نقل کرتے ہیں کہ انھوں نے ایقاع اور آوازوں کی ترکیبوں پر ایک کتاب لکھی، اور کلام پر ایک کتاب۔ ²

ابن ندیم کے یہاں ہے کہ سیبویہ کی کتاب میں اصول اور مسائل انھی کے ہیں، وہ سیبویہ کے استاد تھے جنھوں نے ان سے نحو سیکھی، اور وہ خود عیسیٰ بن عمر الثقفی سے علم لینے والے تھے۔ ³