نسخ (منسوخ اور ناسخ احکام)

النَّسْخ

نسخ لغت میں نقل کرنے اور ختم کرنے دونوں معنوں میں آتا ہے۔ اصطلاح میں بعد میں آنے والی شرعی دلیل کا پہلے حکم کے خلاف حکم دینا، جو ہمارے علم کے اعتبار سے تبدیلی اور اللہ کے علم کے اعتبار سے حکم کی مدت کا بیان ہے۔ تخصیص سے یہ فرق ہے کہ نسخ ثابت شدہ حکم کو اٹھاتا ہے۔ نسخ کی تین قسمیں ہیں: حکم منسوخ اور تلاوت باقی، تلاوت منسوخ اور حکم باقی، اور دونوں منسوخ۔ جمہور عقلاً جائز اور شرعاً واقع مانتے ہیں۔ شرائط میں یہ ہے کہ منسوخ حکم شرعی ہو، ناسخ الگ اور بعد میں آئے، ناسخ قوی یا مثل ہو، اور توحید یا مؤبد خبروں میں نسخ نہ ہو۔ ہلکے حکم سے بھاری اور بھاری سے ہلکے کی طرف نسخ جائز ہے۔ قرآن کا نسخ خبرِ واحد سے ممنوع ہے، جبکہ متواتر سنت سے جمہور کے نزدیک جائز ہے۔ جس آیت کا حکم منسوخ مگر تلاوت باقی ہو اس سے نماز درست ہے، لیکن حائضہ اور جنبی کے لیے اس کی تلاوت حرام ہے۔ جس کی تلاوت منسوخ ہو اس سے نماز درست نہیں، مگر حائضہ اور جنبی کے لیے تلاوت حرام نہیں۔ ^{1 2 3 4}