حرق الرجلين بتهمة الرفض بدمشق 942هـ

نو سو بیالیس ہجری میں دمشق کے قاضی کے سامنے یہ بات ثابت ہوئی کہ قاضی شمس الدین محمد بن یوسف دمشقی حنفی، جو ابن الشحنہ اور ابن یونس کی جانب سے قضا کی نیابت کر چکے تھے، اور حسین البقسماطی نامی ایک شخص، دونوں رافضی ہیں۔ چنانچہ دمشق کے قلعے کے نیچے ان دونوں کو جلا دیا گیا ²۔

ان دونوں کی گردنیں، ہاتھ اور پاؤں کھونٹیوں سے باندھے گئے، ان پر کجاوے کی لکڑی، بوریاں اور ایندھن ڈالا گیا، پھر آگ لگا دی گئی یہاں تک کہ وہ راکھ ہو گئے۔ ان کی راکھ بردی دریا میں بہا دی گئی، اور یہ واقعہ نو رجب، منگل کے دن پیش آیا۔ ابن طولون لکھتے ہیں کہ حنفیوں کے مفتی شیخ قطب الدین بن سلطان سے ان کے قتل کے بارے میں پوچھا گیا تو انھوں نے کہا کہ شریعت میں یہ جائز نہیں، بلکہ ان دونوں سے توبہ کرائی جانی چاہیے ¹۔